5 atleta di Muscles & Lungs a biaha pa competi na WODSTOCK na Colombia durante e dianan 28, 29 y 30 di juni. E trayectorio pa nan por a yega eynan a cuminsa na Maart caminda e atletanan mester a inscribi pa cualifica pa e competencia.
Durante e prome 2 siman di April cada atleta mester a completa algun workouts riba video, pa esakinan por wordo revisa pa e huesnan y asina rank e atletanan den nan categoria corespondiente. A base di e cualifica, por menciona cu Veronique Antes a clasifica pa Masters 35+, Marcela Benavides a clasifica pa Intermedio Muher, Jazon Zeng y Darrell Werleman a clasifica pa Intermedio Homber y Myron Speyer a clasifica pa RX Homber.
Den Masters a clasifica solamente 16 atleta pa categoria, y den tur otro categoria por a clasifica un total di 64 participante. Den su totalidad tin 800 atleta di 12 pais a competi den e magno evento aki. E clasificado a keda anuncia Mei 1, y di eynan e atletanan a sigui nan entrenamento pa por representa Aruba dignamente den e competencia internacional aki. E team a biaha ariba 25 y 26 di juni pa Cali, Colombia. E competencia mes lo tabatin un duracion di 3 dia caminda cada dia lo mester completa entre 2-3 workouts pa asina por determina e ganadoranan den cada categoria.
Awe algun di e atletanan ta yegando Aruba bek.
Unda nan a hasi un hopi bon papel.
Puestonan pa cu Wodstock:
Veronique Antens: 1st place Master
Marcela Benavides: 20th place Intermediate
Myron Speyer: 13th place Rx
Darrell Werleman: 40th place Intermediate
Jason Zeng: 44th place Intermediate
Veronique Atens a gana e prome luga den su categoria Master 35+ esaki ta un logro grandi pa Veronique y sigur pa Aruba. Pabien na tur cu a tuma e reto aki. Hopi, hopi pabien.