Den noticia na Tele Aruba nan a entrevista un cabayero di Bonairo cu ta contra Gemeente. Ni un partido e tin, ta un organisacion cu ta desea pa Bonairo no ta un gemeente di Hulanda.
Si enberdad cu e pueblo di Bonairo ta contra e gemeente, dicon nan a duna partido MPB y UPB cu ta na fabor di un gemeente e confianza pa ta den Gobierno? Ta nan ta den Gobierno, treciendo un progreso enorme pa Bonairo hunto cu Hulanda.
E persona cu a ser entrevista na Tele Aruba ta desea pa Bonairo bira independiente, mescos cu ta e caso di politiconan cu ta pertenece na cierto partido di nos pais. Ta con Bonairo o Aruba lo bira indenpendiente, sin un ejercito, sin ekiponan pa defende nos, sin un pasaporte garantiza. SIN PLACA, POBER. Esey nos pueblo kier? Nos ta un pais pober cu hendenen pober, danki na Hulanda nos ta sobreviviendo.
Fuera di tur loke cu nos a denuncia como Movimiento, tur dia bo ta scucha na radio o tv con politiconan di ambos partido ta culpa otro di corupcion y cuanto placa nan a saca di Gobierno na momento cu nan tabata y ta na mando. Aki nan mes ta papia di miyones y miyones. Fabornan politico pa amigo ta sigui tuma lugar, mientras cu ya tin varios caso bow investigacion. No ta nos ta bisa, ta politiconan mes ta culpa otro publicamente.
Nos ta un pais pober cu hendenen pober, danki na Hulanda nos ta sobreviviendo.
Bonairo sin mucho problema a ricibi 42 miyon dollar pa cubri nan gastonan awor den e temporada dificil cu mundo ta pasando aden. Tambe nan a ricibi containernan di fruta y berdura. Paketenan di cuminda tur dia.
Hopi ta cuestiona loke a tuma lugar na St. Eustatius, pero aki tambe ta abuso di poder a tuma lugar pa decadanan door di un solo politico cu tabata considere doño di e isla y Hulanda a termina cu forza cu abuso aki.
Firma pa pidi Hulanda pa Aruba bira un gemeente ta bai den bon direcion y esnan cu ta desea di yuda por fabor manda un e-mail na:[email protected]
Profesionalnan stop di para un banda y wak cu nos pais ta bayendo den un detearo total, sin solucion, cu companianan cu ta bayendo fayiet pa motibo di mal gobernacion, ladronicia, corupcion, fabor na amigo y famia, politiconan miyonario. Cu corahe nos ta caba cu e abusonan aki. Betico dfm su deseo semper tabata ta los for di Corsow y nunca for di Hulanda.
