Awe diadomingo na momento cu e Parada Grandi di Oranjestad a yega dilanti di e oficina di A.T.A. na L.G. Smith Boulevard 8. Como, tabata spera e steelband The Invaders un sorpresa. ATA cu a sponser nan participacion den e parada pa honra e estilo di musica aki, a rindi honor na e grupo pa nan dedicacion na e musica di steelpan y cultura di Aruba.
E miembronan di The Invadors a keda sorprendi ora cu a mira CEO di Aruba Tourism Authority a subi caminda cu un plakkaat den man pa entrega na Lee y Nico Connor cu a ricibi esaki den nomber di e miembronan.
Por a nota presencia tambe di ex-Prome minister Nelson Orlando Oduber.
Historia di e Proyecto:
Aruba Tourism Authority cu orguyo a presenta “Aruba ta presenta The Invaders and Steelpan History”.
Un proyecto extraordinario y magestral cu ta duna homenahe na e historia rico di Carnaval di Aruba.
Den colaboracion cu fundacion Go Cultura, cu a cumpli cu un estudio intenso, planificacion, produccion y ehecucion di e proyecto aki cu hopi detaye, A.T.A. ta sinti honra di por a forma un aliansa cu e steelband mas nostalgico di Aruba, e legendarionan: The Aruba Invaders, e campeonnan di mas di 70 aña. Nan no a solamente domina e arte di musica, pero tambe a dedica nan mes pa traspasa nan conocemento y herencia musical na e generacionnan nobo.
Cu honor, e presentacion di e trailer di A.T.A. hunto cu The Invaders a inicia nos gran parada di awe.
Riba e trailer, A.T.A. ta comparti un mensahe general na e comunidad carnavalesco, alabes por presencia videonan di carnaval di antes te cu awor, y tononan musical di steelpan mas emblematico di Aruba.
E bunita colaboracion aki tabata un celebracion y un regalo na e comunidad di Aruba dedica na e legado
cultural di Aruba su carnaval.
A.T.A. a pone disponibel un Qr-Code riba e trailer cu ta brinda detayenan tocante e proyecto den su
totalidad, historia, diferente video y musica di pasado te awor. Probecha y scan!
Pabien Aruba cu un bunita temporada di Carnaval, cu un amor inmenso, di parti di Aruba Tourism
Authority (A.T.A.).
