Colombianonan recaudando fondo pa entiero di nan compatriota

4896

Asociacion Amigos de Colombia (ASOCOL Aruba) ta haci un apelacion na miembronan di e comunidad Colombiano pa cooperacion den entiero di un compatriota di nan cu a fayece. Moises Fernandez, presidente di ASOCOL, den combersacion cu 24ora.com, a splica cu mas o menos luna pasa nan a cuminsa cu un campaña pa recauda fondo pa paga entiero di un compatriota di nan.

Ta trata di un persona cu tabata sufri di un malesa terminal y a cuminsa cu e campaña di recaudacion di fondo prome cu el a fayece. El a fayece ayera nochi y e situacion ta encera cu mester actua urgente awo. E cabayero no tin famia na Aruba y ta trata di haya contacto cu familiarnan na Colombia.

Asocol recaudando fondo pa entiero di nan compatriota

Asocol recaudando fondo pa entiero di nan compatriota. Click link pa mas https://24ora.news/2Cw1XkQ

Posted by 24ora on Monday, July 13, 2020

E fayecido tabatin mas o menos 20 aña bibando na Aruba, pero no tabata registra na Censo y tampoco tabatin ningun otro tipo di seguro. Mirando cu e persona a fayece, ta intensificando e campaña pa cubri e gastonan di entiero y pa esaki tin urna poni na Fruteria Virgilio, Panaderia Karina, Fruteria La Economica, Charlie Burger y personanan por manda un mensahe tambe riba 5633766 of 5925228. ASOCOL ta trahando riba diferente otro tereno tambe pa yuda nan compatriotanan.