E homber aki ta Anthony Ras. E ta e homber cu Polis a detene despues cu el a bati su casa y su yiunan diamars atardi. Tristo cu cos asina, pero ta e yiu menor a yama Polis gritando pa yudansa. El a bisa cu su tata ta bebi y ta batiendo nan.
Polis na yegada a topa e muchanan na un cas na Bakval. E mama tambe a yega cu golpi na curpa. E homber a bay laga e auto atras memey di caminda. Polis a busca rond y topa cu ne halto halto y agresivo na Saliña Cerca banda di un supermercado. A bay mesora over na deten’e.
E polisnan a bay cu e mama y e muchanan warda. Na mas ocasion Antohny Ras a bati e mama. E biaha aki si e mama a bisa di lo haci denuncia.
Esaki ta foto y video ora cu a detene e homber. Mirando cu Polis a hinca e dogcatcher te patras den warda, tabata dificil pa haya e potret of graba e abusador.
E cos aki a cay den masha mal tera cerca nos siguidornan. P’esey mes via nos inbox a logra haya e video y foto. Esaki mester bira un les tambe pa cualkier otro abusador cu nos plataforma semper lo para contra abuadornan. Nos plataforma lo para banda di e victimanan den casonan asina. Esaki ta e miho castigo cu un hende asina merece.
Expone abusadornan cu mayan ora nan cana den pueblo por reconoce nan. No ta prome biaha. E no ta imagina e daño cu e ta causa na su mesun yiunan.
