Diamars algun minuut prome cu 7:00PM a informa polis di un auto cu ta core malo riba caminda band’i aeropuerto direccion Warda Nos Costa. Polis a sali di biaha enbuskeda di e auto aki y a bin topa cu e Nissan Sentra color shinishi number A-22565.
Nan a para e auto, pa motibo cu e chauffeur tabata core malo, tabata drenta den caminda verbod y etc.. Polis a bay pa papia cu e chauffeur masculino, pero su lenga tabata basta pisa. Di biaha a bay over na detene e chauffeur.
Hunto cu e chauffeur masculino den e auto, tabata su señora. Polisnan a reconoce e chauffeur y di biaha a record’e cu algun dia atras a dun’e su rijbewijs, cual nan a kita for di dje caba pa motibo di core bebi. Un biaha mas polis a kita su rijbewijs p’e mesun motibo. Transportwagen a presenta na e sitio pa hib’e Warda di Polis, mientras cu e señora a haya lift di polis pa Warda di Playa. Nan a laga e auto para band’i caminda.
