Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda Roncado – Paradera cu diaranson dia 3 di april 2019 te 12 di april 2019 lo bay cer’e parcialmente pa cuminsa cu trabounan preparativo y despues asfalta e caminda.
Trabounan preparativo lo cuminsa diaranson dia 3 di april 2019 y nos lo asfalta diaranson dia 10 te cu 12 di april 2019.
E caminda cu ta haya asfalta ta di Roncado nr. 6a te cu nr. 12, Roncado nr. 102 te cu nr. 125 y Paradera nr.65 te cu Paradera 83a.
Ta indica e ruta alternativa cu baricadanan y borchinan di aviso y e orario di ceramento lo ta di 8’or di mainta pa 4’or di atardi. En conexion cu e trabounan menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.
