E menor di inicialnan L.M. di 15 aña ta deteni pa asesinato di Rudolf Ras.
Despues di un persecusion den e area di Mabon y Cura Cabai Noord a logra para un Nissan March. Refuerso a yega mesora y asina ta logra para e Nissan March cu dos persona aden. Entrenan e hoben menor di 15 aña di edad cu lo ta biba den e vecindario. For di trempan nos reporteronan tabata wordo avisa cu tin movecion den e barrio di casnan di pueblo buscando pa e sospechoso. Na dado momento e team special di Polis a mira e auto cu e sospechoso lo ta moviendo aden. A bay su tras y ora a logra pare finalmente a haya e asesino mes di 15 aña na stuur. Polisnan a confisca e auto y a bay cu e menor warda den dogcatcher. A base di e investigacion y varios detencion aña nobo a conclui cu esaki ta esun cu a hinca Rudolf Ras mortalmente den su pecho. Interogacionnan a yega na e conclusion.
E victima Rudolf G. RAS ta naci na Aruba 24 mei 1966. E caso a tuma lugar dia 31 december 2020 y mey anochi ora di tiro dokter a constata morto. Cu esaki por bisa cu e caso a keda soluciona. E auto lo sigui coba mas leu den dje pa mira kico por haya. E sospechoso tabata cu un amigo y e tambe Polis a pone na boei riba vloer na e sitio.
Finalmente ora takelwagen a yega a dicidi di lage bay y el a haya su libertad bek. E tabata bisti cu shirt geel y parce e no tin di haber cu e asesinato. E tabata mas bien den e auto cu e menor di 15 aña tabata stuur.
