Na october proximo Aruba lo conoce su prome Spin Fest, cual lo tuma luga na Palo Marga riba e dianan 14 y 15 di october.Durante un conferencia di prensa, e organisadonan Jonathan Tromp y Kenneth Henriquez, a cuminsa na bisa cu e evento aki ta bay ta uno grandi.
Pa cu e evento aki, e famoso King Katra cu su team lo ta na Aruba. Lady La Masse, popular den e mundo di spin, lo ta na Aruba directamente for di Sur- Afrika. Rib’e anochi aki, presente lo t’ey Stunter 13, directamente for di Polonia.Pa loke ta e parti local, e drifternan di Aruba lo tene un competencia e anochi aki, unda cu e drivernan local lo competi contra otro.
Spin Festival ta bay ta un magno evento cu ta prepara pa hopi tempo caba. King Katra ta un campeon mundial, di e Red Bull Event. Te ainda no tin hende pa gana nan pa cual nan ta e campeonnan den spin. Hopi popular na Africa y tambe na otro partinan di mundo.Ta haci uzo di e BMW model bieu, unda cu nan ta modifica nan y ta uza nan pa haci triki cu e autonan aki. Nan tin un team hopi grandi nan tras.
E organisadonan tin mas di un aña caba ta bringa pa haya nan y ta sumamente popular.Team King Katra lo bin cu Lady Lamese cu ta pertence na team di Katra y e ta haci stunt tambe. Nan tin un show espectacular prepara p’e publico.Ta bay ta dos dia tras di otro. Dos dia di show diferente. Si kier presencia tur dos show, e ora lo mester bin tur dos dia. Cada dia lo presenta un show diferente.
E organisadonan tin un grupo di motorcycle prepara, un asina yama Dream Team, di tur parti di Aruba, pa bin pone fever.Tambe tin e local drifternan di Aruba, cu lo competi contra di otro. Lo tin tandem, dos auto contra otro.E tramitenan segun Tromp, no tabata facil. Tin mas di un aña trahando pa trece e espectaculo pa Aruba y ya caba e autonan ta den container na caminda pa Aruba.No perde e oportunidad di bin wak e shownan aki, pasobra ta bay ta un espectaculo nunca antes bisto na Aruba.
Entrada lo ta 40 florin general y 45 florin na porta. Mucha te cu 12 aña ta paga 15 florin.
