Diasabra ultimo Aruba Ports Authority a organisa nan “Dia di Famia 2019” na Tierra del Sol Resort & Golf. E dia a resulta masha placentero, yena di goso y alegria pa tur empleado y nan famia. Micky y Mini a ricibi tur e invitadonan na entrada y tur hende a sinta hunto bou di un tent cu diferente actividad prepara pa mayornan y nan yiunan.
Durante e dia di famia a disfruta di piscina, a prepara un Disney Creation cu diferente slide pa percura pa un ambiente alegre pa e muchanan, tambe tabatin Dinojump, un pool Dinojump y trampolin. E muchanan por a sirbi nan mes na e tent di raspao, a hunga y gosa cu otro, sinta come hunto y pasa varios ora disfrutando di e fabuloso evento aki.
Di e forma aki gerencia di Aruba Ports Authority a gradici cada famia cu ta tras di cada trahado y ta manera un motor cu ta sostene e trahado, pero alabes acepta cu pa e por eherce su trabao y gana su entrada y cu no por ta tur ora na cas y hunto cu su famia. APA ta masha gradicido cu e sosten cu cada empleado ta ricibi di nan famia
