Diasabra y diadomingo ultimo e Smile Mobile di Aruba Lions Club tabata den accion cu limpiesa di dentadura di nos baluartenan cu ta den e casnan di nos grandinan, esta Saba playa y San Nicolas.
Smile Mobile ta un proyecto di Aruba Lions Club, cu tin mas cu 70 aña trahando pa nos comunidad cu diferente proyecto. No menos cu 6 aña pasa Aruba Lions Clyub a pone su confianza den den e proyecto aki, cu mientrastanto a bira un fundacion y ainda Aruba Lions Club ta sigui inverti den dje pasobra e la resulta algo hopi bon mes pa nos grandinan.
Durante e 6 aña cu a pasa Smile Mobile a constata un progreso enorme den e dentaduranan di nos grandinan. Un dentadura higienico, saludable y bon cuida ta hasi un influencia grandi ne salud di nos grandinan cu semper ta cla pa ricibi e servicio di Smile Mobile. Pesey mes Aruba Lions Club y Smilwe Mobile kier amplia su su servico gratuito di e dentadura di nos grandinan pa nan por sigui un bida mas saludable posibel.
E proyecto di e fundacion Smile Mobile ta ser manteni door di donaciondi diferente compania y comercio y ta pa e motibo aki nos kier a gradici Yellow Pages pa nan donacion di botter di awa (water cans). Na Medicosmetics Aruba NV pa e Ensusre nan y na Dunkin Donuts pa e dushi donuts cu asina nos por a malcria e zorgverpleegster nan cu semper ta cla pa copera cu nos. Y por ultimo na tur otro persona cu ta sigui copera y ta pone nan confianza den e fundacion Smile Mobile. Pa diasabra awo e accion ta sigui na Saba na Savaneta. Esnan cu kier copera cu Smile Mobile semper por hasi esaki y sigui nos via e facebook page di ARUBA Lions Club.
