Gabinete Wever-Croes a anuncia medidanan nobo pa motibo cu casonan di COVID-19 a cuminsa aumenta. Aruba Entertainment 2020 ta preocupa cu e medidanan aki y p’esey nan a reuni cu Bureau Rampen Bestrijding awe. E mundo di entretenimento ta decepciona y no a gusta e decision di Crisis Team.
Ofo Escudero a splica cu ta facil p’e persona di Crisis Team dicidi cu un biaha mas nan tin di bay cas y keda sin trabou. E manera di tuma decisionnan aki ta mustra cu obviamente esunnan cu ta biba di entretenimento no ta conta. Nan a busca informacion y tur escalacion den casonan positivo, ningun tin di haber cu e mundo di entretenimento.
Aruba Entertainment a pidi otro musiconan y DJnan pa sigui e protocolnan, incluso Crisis Team a pidi pa papia cu nan riba esaki. Tur cos a cana nechi den mundo di entretenimento y nada robes a bin dilanti.
E problemanan mas tanto a bin na aeropuerto, pasobra turistanan of residentenan cu a biaha a yega bek cu e virus. Nan no kier pa bin lockdown, pa no cera frontera, pero no mester yega y bisa musico ta bay bek pa nan tabata pasa den duro.
