Mañan dialuna lo tuma luga un reunion tripartiet entre Corsou, Sint Maarten y Aruba. E reunion di consulta ta tuma luga e biaha aki na Aruba. Pa esaki, Prome Minister Gilmar Pisas y Minister di Finansa Javier Silvania di Corsou a yega Aruba pa e reunion. Nan a yega awe diadomingo cu vertraging, reuni mañan y biaha mañan mes bek pa Corsou.
Durante di e encuentro cu Minister Presidente di Aruba y di St. Maarten y e respectivo Ministernan di Finansa y nan conseheronan, lo elabora riba temanan cu ta di interes pa tur e tres islanan. Topiconan ta entre otro e retonan di likides, areglo di FASE, COHO y otro temanan di relevancia y di actualidad.
Esaki ta bira e prome bishita oficial di gobierno di Corsou na Aruba desde formacion di e di dos gabinete Wever-Croes. Hecho ta cu e Landspakket cu tanto ta den discusion politico na Aruba, ta conta igualmente tambe pa e islanan Corsou y Sint Maarten.
Por lo menos na Corsou ta otro gabinete a firma pa e acuerdo y esun cu a gana eleccion ultimo mester ehecut’e, mientras cu Sint Maarten na un principio tampoco kier a bay di acuerdo cu e pakete, pero na final a haya nan mes forsa pa ehecuta e pakete, di lo contrario nan lo a keda sin sosten financiero di madre patria. Pa mas informacion, lesa e edicion di TREMPAN di mañan dialuna.
