Dialuna mainta, durante Dia di Tera, Aruba Bank a marca historia door di solidifica su partnership cu Gobierno di Aruba, bou liderazgo di Minister Arends, y e institutonan clave, pa e estudio di “Climate and Ocean Risk & Vulnerability Index”, un armazon pionero pa evaluacion di riesgo y vulnerabilidad di clima cu lo tuma luga den e proximo 14 pa 18 luna. E partnership significante aki tabata celebra durante e Dia di Tera Forum, organisa pa Minister di Transporte, Integridad, Naturalesa y Asuntonan di Adulto Mayor, bou di e tema “Climate Resilience.”
E ceremonia oficial di firma a tuma luga den presencia di estimado partnernan y dignatario, marcando un ocasion momentuoso den e caminda di Aruba pa accion climatico. Entre esunnan presente tabata Ramon Mas, Head of Corporate & Platinum Banking, y Kathy Scholliers, Head of Risk & Compliance, representando Aruba Bank.
CORVI, un instrumento di riesgo climatico comprehensivo dirigi pa data, cu ta incorpora pilarnan ecologico, financiero, y politico, lo produci mas cu 100 indicador. Un pilar nobo di salud tambe tabata desaroya, caminda Aruba ta e prome pais unda esaki lo ta inclui tambe como parti di e modelo y evaluacion di CORVI. E inclusion aki ta subraya e dedicacion di e banco pa bienestar holistico manera tambe nos liderazgo den abordamento di e riesgonan relata na clima den sector financiero.
E sosten di Aruba Bank pa CORVI ta refleha su dedicacion na responsabilidad corporativo y practicanan di banco sostenibel. Door di proporciona e pensamentonan y experiencia valioso, e banco ta tin como meta contribui na desaroyo di e solucionnan innovativo cu ta reduci riesgonan climatico y promove resiliensia pa un tempo largo.
