Aruba Aloe Balm ta un compania cu a nifica hopi pa nos cultura y nos economia. Segun marketing manager, Jessica Posner, tur dia nan ta lucha hopi duro cu un compania di un isla chikito manera Aruba por opera globalmente y cu esey den mente, ta hopi orguyoso pa por anuncia cu a haya un pedido hopi grandi internacional. P’esey a uni forsa cu DPL tambe, pasobra ta buscando un personal di 125 hende pa un proyecto di tres luna.
Aporte como compania
Naturalmente e personal ta pa traha cerca nan riba campo di Aloe pa por amplia e campo y tambe ta buscando hende den produccion pa por yuda cu e produccion di e productonan mes, cu ta necesario pa e ordo grandi aki.
Demanda
Tin hopi demanda. Ta pa e motibo aki ta buscando asina tanto hende prome cu e luna di Mei, pa por cumpli cu e proyecto aki. En realidad mester hende pa traha pa tres luna, pasobra a haya un pedido grandisimo. Esey ta locual cu ta buscando y kier wak si comunidad por ofrece e hendenan cu ta necesario pa por cumpli cu esaki.
Nan tin hopi logro internacional y esaki lo ta en realidad un paso mas dilanti pa por logra y realmente demostra opera riba un nivel internacional. Kier demostra tambe cu si por logra e ordo aki, cu nan ta sigur cu lo bin hopi mas.
Aruba Aloe Balm ta hopi orguyoso di esaki y ta spera cu por haya e personal necesario pa por cumpli cu e ordo aki tambe.
