Diasabra anochi a tuma luga yen di actividad rond di celebracion di Halloween tur rond di nos isla. Nos fotografo a capta varios cara conoci durante e eventonan bon atendi na South Beach, Gusto Night Club, Azia y na e fiesta di Back to the 80’s na The Mill. Sin duda nos isla a disfrasa specialmente pa e evento anual aki.
Ta observa Halloween den hopi pais rond mundo riba dia 31 di october. E ta inicio di e tres dianan di observacion di loke nan ta yama Allhallowtide, e tempo den aña liturgico dedica na corda e mortonan, e santonan, martirnan y tur cu a fayece den fe.
E celebracionnan mara rond di e fecha aki ta fiestanan di kostuum, “trick or treat” pa muchanan, canamento cu lanterna, coba pampuna y bishita atraccionnan manera “haunted house”.
Hopi ta kere cu e tradicion di “Halloween” ta origina for di tempo di “Celtic harvest festivals” particularmente e “Gaelic Festival”, pasobra nan tabata fiestanan cu origen pagano. Otronan ta kere, sinembargo, cu e fiesta di Halloween a cuminsa como un celebracion Cristian y cu e ta separa di e festivalnan di antaño.
Den algun parti di mundo ainda ta observa e celebracion religioso Cristian di All Hallow’s Eve, cu ta inclui baymento di misa y cende bela na grafnan di defunto. Mayoria parti di mundo sinembargo e celebracion a bira mas comercial.
