Dia 4 di october tabata Dia di San Francisco de Asis, a celebra un aña mas conhuntamente cu Monseigneur Luis Antonio Secco y comunidad di Aruba. Hunto cu pastoornan, mayoria di nan for di Aruba, a bini hunto pa celebra e gran dia aki. Diaranson despues di basta aña tabata tin e honor pa conta cu presencia Monseigneur Luis Antonio Secco.
A probecha di e ocasion aki pa honr’e. “Nos a gradici’e y bis’e danki pa ta nos Obispo pa tur e añanan, y pa tur e fiestanan di nos parokia cu e tabata presente,” Ivy Simon-Hernandez di comision Pro-Catedral San Francisco ta bisa.
Pa e motibo aki a duna homenahe na obispo Luis Antonio Secco cu un calender 2024 na unda por mira potretnan di basta aña pasa ora el a cuminsa cu su obispado conhuntamente cu e pro-catedral San Francisco riba dje.
Tambe e obispo a haya un bunita recuerdo di nos dushi Aruba cu simbolonan di indjan. “Nos ta gradici’e p’asina e pone e recuerdo aki den su cas cu segun e temponan ta bay, e ta corda riba Aruba, e pueblo di Oranjestad, y con hopi nos ta stim’e tambe.”
Alabes tambe tin un otro calender cu Papa Francisco na unda e aña aki lo ta su ultimo aña, a dun’e honor aki tambe pa ta den e calender. “Masha danki na e pueblo di Aruba cu a compaña nos pa e celebracion di San Francisco de Asis.
