JR Auto & Home ta orguyoso di anuncia cu nan ta celebrando nan di 40 aniversario como un negoshi cu ta sirbi comunidad cu amor y dedicacion. Pa marca e ocasion unico aki, nan a organisa un grandioso Anniversary Sale cu ofertanan disponibel pa tur su clientenan.
For di 5 pa 7 di october, clientenan por probecha haci nan compra cu descuento te cu 50%! JR Auto & Home ta conoci pa su tirenan, auto parts, accesorio pa auto di calidad pero tambe cu un surtido amplio di productonan pa cas y mucho mas! Nan tin 3 tienda na Aruba localisa na Turibana 17, Macuarima 87 y Cura Cabay 2a.
JR Auto & Home a cuminsa na aña 1983 cu un pasion pa calidad y servicio optimal na su clientenan. Durante e ultimo 40 añanan JR Auto & Home a crece y a diversifica su productonan, semper manteniendo su compromiso pa brinda e miho pa su clientenan.
E Anniversary Sale aki ta wordo organisa pa gradici su clientenan y pa celebra nan historia di exito.
