Cu hopi alegria, Fundacion Venerable Jose Gregorio Hernandez situa na Tanki Leendert 128, a ricibi e grato noticia cu Papa Francisco a aproba e milager di e mucha Venezolano, Yaxury Solórzano Ortega, cu a sosode na luna di maart di 2017, pa asina declara e dokter stima, Beato dr.Jose Gregorio Hernandez.
Tabatin un tridium na Santisima Trinidad dianan 26, 27 y 28 di juni ultimo pa gradicimento na e sitio di Oracion. Riba e ultimo dia di e tridium, a haci un alabansa bou canto di Koor Santa Famia na Tata Celestial cu ofrecemento di bela, cu a resulta di ta algo masha bunita mes. Y dia 29 di juni tabatin un santo sacrificio di misa di gradicimento cu canto spiritual di grupo ‘Dios ta Amor’, unda a recorda e di 101 aña di fayecimento di e beato stima. A pesar di distanciamento social, e devotonan a asisti cu hopi devocion.
Cu esaki ta gradici tur persona cu di un forma of otro a yuda haci e celebracion aki posibel.
