E barco crucero Seven Seas Splendor mara den waf di Aruba awe mainta a hala hopi atencion. Manera ta conoci, ainda biahenan crucero ta paralisa relaciona cu e crisis di coronavirus.
Informacion cu 24ora.com a ricibi ta indica cu e crucero a haya permiso pa mara algun dia den haf di Aruba. Aborto tin solamente e miembronan di tripulacion. Durante nan estadia mester cumpli cu tur protocol vigente.
Segun por a compronde, nan a bini aki pa cumpra comestibel y combustibel pa e barco. Su representante local ta Maduro & Sons cu lo atende cu tur nan necesidadnan y percura cu nan ta cumpli cu e Protocolnan di Covid-19.
Desde surgimento di coronavirus den Caribe, mundo di biahe crucero a paralisa, lagando hopi barco crucero riba lama sin pasahero y poco a logra haya un waf unda nan por a mara y keda. No ta conoci ainda pa ki tempo ta reanuda biahenan crucero.
