Desde cu a tende diahuebs ultimo cu e seleccion Girls U15 a yega final den e competencia di CONCACAF na Florida, Merca, The Movies a pasa e wega aki diasabra den nan sala. Hopi persona a presenta pa asina mira e wega.
Devin de Veer, Gloria – Movies Dining Entertainment & Play a splica di a haya mensahe di Diane Wiersma cu ta forma parti di AVB riba e posibilidad pa The Movies pasa e wega final. Esey a pone cu The Movies di su banda a cuminsa mira kico nan por a haci pa haci esey posibel. E tecniconan a traha duro y logra cu The Movies tabatin un sala completamente sold out p’e wega final di Damas di Aruba.
E wega tabata uno sumamente bon y esunnan cu a sigui e wega, e tabata un siman basta largo p’e muchanan muhe. E calor a hunga un rol, por a mira e cansancio den nan tambe. De Veer ta kere cu hungando tanto wega asina, dado momento bo ta duna tur cu tin, pero ya el a cuminsa hunga un rol p’e muchanan muhe. E ta sumamente orguyoso di nan.
Pa mas lesa TREMPAN.COM.
