Diabierna anochi, tabata uno emotivo den Rancho, caminda cu varios artista local a dedica un pintura na e conocido Ski, kende algun dia pasa a bay laga nos.
Greg Oehlers a haci e pintura y e idea a bin di Jealdir de Freitas. El a tir’e den su direccion riba Facebook y a acerca George Rosel y a bay di acuerdo pa pint’e. E idea tabata idea pa yega pint’e riba cualkier muraya.
Despues a haya basta mensahe bisando pa purba di bay via di un instancia, wak si por hay’e sin problema, esta legalmente. Di e manera aki a tuma contacto cu Rosel y a dun’e e espacio pa pone e pintura di Ski riba dje.
Segun Oehlers, e arte a wordo haci pa George Rosel, su mesun persona y Jealdir de Freitas.
Diahuebs anochi a marca tur e liñanan y diabierna mes a cuminsa for di 11’or di mainta. E pintura por a keda cla mas tempran, pero colo a laga nan na caya. A tuma contacto cu Tito Bolivar di Art Fair, kendenan a sponsornan e resto di colornan.
