Diabierna anochi, den careda di 7or y 55, a manda polis cu urgencia na e lama dilanti di Divi
Phoenix, caminda cu un turista lo a haya problema den lama y no ta dunando señal di bida.
Patruya di Strandpolitie a yega na e sitio y a topa cu personal di ambulance, kende tabata
purbando di duna prome auxilio na e dama Mericano. Lamentablemente no por a haci nada
mas pa e victima.
Pa 8'or y 25 di anochi, dr. Texeir ta constata morto di e señora JVM, naci
dia 28 di April, 1937 y residencia na Merca. Slachtofferhulp a yega na e sitio pa duna guia y
sosten na e famia kendenan tabata pasando den un momento sumamente dificil. Cuerpo
Policial ta manda su palabranan di condolencia na famia di e fayecida.
