Dia 5 di juni venidero por scucha y mira e artista Arubiano Imara Thomas canta riba e podium di Grote Zaal di Concertgebouw na Amsterdam. Durante From Southeast With Love por scucha e miho artistanan di Zuidoost, un districto musicalmente variabel di Amsterdam. Un concierto unico di cual ta busca e conexion di cultura, rikesa di musica di Amsterdam y Zuidoost, pero tambe e amor pa musica.
Imara Thomas a crece na Amsterdam Zuidoost, Venserpolder, unda mayoria di su amigo- y amiganan no ta scucha cantica clasico. Desde chikito Imara su tanta a siñ’e di cantica clasico y repertorio di gospel. E stem di Whitney Houston a inspir’e cu su tres aña pa bira cantante. Pero tabata e stem dje soprano Afromericano Kathleen Battle cu a inspir’e pa canta tambe clasico.
E tin ocho aña c’un nombramento permanente cu e prestigioso Deutsche Oper Am Rhein na Düsseldorf y Duisburg. Tambe e variabilidad di Imara Thomas ta refleha riba ora, por ehempel, e canta cantica di Aruba y Corsou di Padu Lampe y Jacobo Palm.
Zuidoost
Den Grote Zaal tin e podium p’e banda Surnameño La Rouge, artista di hip-hop Yung Nnelg, pianista Dywel Braaf, e grupo Afrosurnameño Black Harmony, cantante y autor Anne Suzanne, cantante di fado Daisy Correia y teclista (keyboardist) Jimmy Ramphalmisser y cantante di jazz Joancy.
Edsilia Rombley ta e invitado special, tur artista ta compaña pa Southeast All Star dirigi pa Benny Alwart. E presentadonan di Soundos Al Ahmadi y Defano Holwijn ta guia e anochi den e direccion corecto. E show ta den man di e comediante y director Jeffrey Spalburg.
