Awe mainta na Kulture Kafe San Nicolas, Minister di Asunto Economico, Comunicacion y Desaroyo Sostenibel, mr. Geoffrey Wever conhuntamento cu algun partners a lansa un summit dirigi p’e hobennan di Aruba yama Youth Entrepreneurial Summit San Nicolas (YES). Cu esaki kier bin cu un evento pa inspira e hobennan di pariba di brug cu kisas tin e idea di un dia tin nan propio compania, cu ta mira potencial den e area di San Nicolas.
Wever a splica cu lo bay tene un evento di dos dia. Riba e prome dia lo bay tin diferente orador internacional y nacional pa papia cu e hubentud. Riba e di dos dia lo enfoca riba e parti interactivo, lo bay tin ‘brainstorm sessions’ y varios tayer den cua nan lo por participa activamente y practica algun ‘skills’.
Minister Wever a agrega cu nan ta kere cu e area di San Nicolas tin un potencial economico grandi y ta kere cu p’e añanan binidero, esaki lo ta e area di desaroyo pa nos isla y cu esaki kier crea lidernan nobo y p’esey kier inspira nan y a organisa e summit aki. Tur esaki lo bay tuma luga dia 19 di mei di 6:00 pm pa 9:00 pm.
Pa un relato mas amplio, lesa edicion di TREMPAN.
