Awe nochi, den Aruba Entertainment Center, e eleccion di reina di Colegio EPI lo tuma lugar. Ariadna Harewood, un hoben cu gusta siña y cu hopi talento di Savaneta, lo ta participando hunto cu demas studiante p’e corona di su scol. Durante transcurso di e eleccion aki, Ariadna no solamente a dedica su mes lo mas posibel pa tin e disciplina necesario pa ta un reina di carnaval, pero tambe e la tuma e iniciativa pa uza e experencia unico aki pa educa su mes riba diferente topico hopi serca di su curason.
Pa educa su mes, e la studia varios aspecto di su mesun tema pero tambe a tuma tempo pa educa su mes.
Durante di e trayectoria aki e hoben a hasi un bishita tambe na Mary Joan foundation.
E ta hopi agradecido cu esnan encarga cu e fundacion aki a tuma nan tempo pa combersa y contesta varios pregunta cu e hoben tabatin. E tabata un bishita educativo pero tambe hopi emocional y bunita. E fundacion aki ta duna un sosten enorme na esun cu ta pasa den momento hopi dificil y ta haci esaki cu un staff di voluntario ehemplar.
Ariadna a tuma su tempo tambe prepando pa e momento grandi di e anochi di eleccion. Cu ayudo di tanto famia y su amigonan e por a prepara su mes y su show.
14 di Januari 2023 e eleccion di reina di EPI lo tuma lugar.
Cu su tema Ariadna kier yuda educa nos hobenan di Aruba un poco mas riba topico dificil. Pa esnan cu kier apoya Ariadna durante e evento, su color ta roos y e ta participante number 3.
Corda bon, awe nochi #RoosTeCos.
