Loke e turista ta laga atras na Corsou ta casi mesun cos cu aña pasa, aunke e cantidad di turista a baha. E turistanan cu ta gasta mas cen, si a keda mantene.
Eseynan si ta mira un crecemento, pasobra natural ta midi kico turistanan ta gasta di cada mercado. E mercado Mericano ta esun cu ta gasta hopi. E ta esun cu ta bezig ta pick up compara cu e añanan anterior.
Tin e mercado Brazilero cu ta gasta mas tanto pa persona. Kiermen naturalmente ta purba di trece e turistanan cu ta gasta mas den e proximo añanan. E aña aki loke ta mira, apesar cu a bay atras na cantidad di turista, door di e efecto di Insel y door di Venezuela, toch a keda stabil, ta loke ta draai den economia cu ta bin di turismo, segun Hugo Clarinda, director di Curacao Tourism Board.
Partnernan
Na aeropuerto awor aki, tin cu expande si kier deliver mas turista. Segun Clarinda, ta mirando e otro partnernan ta activo. Si mira por ehempel tin diferente camber di hotel adicional ta bin. Por ehempel Marriott cu actualmente ta cera pa un renobacion completo y expansion. Nan ta bay traha 80 camber acerca. Ta bay tin un di tres piso na e hotel. E construccion ta den full swing. Pa otro aña e hotel ta habri bek. Tin un Levenstone cu ta expande cu casi 100 camber mas. Tin Aqua Cunucu Resort cu a expande cu 100 camber cu lo habri na December. Tin Coral Estate na Habitat. Tin diferente proyecto tumando luga y e aeropuerto tambe ta bezig ta expande. Si mira e aeropuerto, tin hopi construccion andando. E intencion tambe ta pa fin di otro aña, e expansion di aeropuerto ta cla, di manera cu e ora por bay na e proximo nivel, caminda cu por acomoda 2.5 miyon pasahero.
Awor aki e ta yega te na un maximo di 1.8 miyon. Intencion ta pa e wordo expandi y e construccionnan ta den full swing.
Repeat guests
Clarinda a splica cu nan ta haya repeat guests di Europa vooral. Hopi di e Hulandesnan ta ripiti, cu ta bin aña tras di aña. Tin un situacion tambe cu tin turistanan Hulandes cu nan tin sea un di dos cas of apartamento, dus nan ta bin constantemente. Loke e turistanan ta bisa cu ta gusta ta e hendenan. A base di survey, loke mas nanta gusta ta e yiu di Corsou, e hende local. E ta hopi reparti cu con cu bay bin, e turista cu ta bin Corsou y turista en general ta gusta beach, solo, e tempo calor y naturalmente bo ta haya cu tin diferente otro aspecto na Corsou cu e turista ta gusta, por ehempel e centro di ciudad.
Loke mas nan ta gusta ta e hende local y e beachnan.
Inversion den promocion
Oficina di turismo di Corsou, segun Clarinda, ta bay double e presupuesto den 2018. Awor aki a hinca mas of menos 6 miyon florin den e mercado Mericano y lo bay subi esey na casi 12 miyon. Ta bay redobla e presupuesto. Ta subi tambe algo na Europa, pero no dje magnitud ey. Pero ta bay enfoca hopi riba e mercado Mericano e aña cu ta bin, den 2018. Esaki e ora ta bay encera cu lo bay target pa haya mas vuelo for di Merca cu companianan Mericano, pa asina nan por crece e flow di turista for di Merca.
Genera fondo
Oficina di turismo ta haya fondo na diferente manera. Nan ta haya un subsidio basico di Gobierno y e di dos manera ta door di e roomtax cu e turista ta paga riba e camber. E fondonan ey tambe ta bay pa e oficina di turismo. Esey ta e componente cu ta duna e posibilidad pa sigui crece. Segun cu e turismo ta desaroya, loke ta genera na roomtax ta aumenta, kiermen ta haya mas presupuesto e ora pa inverti. E subsidio basico ta keda mesun cos, pero e factor di e roomtax cu ta crece ta duna e oportunidad pa sigui inverti mas den e sector turistico.
Plan pa futuro
CTB ta independiente caba. For di su fundacion, e tabata un fundacion, cu a wordo lanta independiente for di Gobierno. Naturalmente Gobierno tin e control pa loke ta e parti di subsidio. Tambe nan tin e control den nombra e miembronan den e hunta di directiva, pero e ta un organisacion completamente independiente cu ta keda maneha completamente separa for di e Gobierno.
