Director di AZV, Anko Ringeling, a splica cu semper y cuando AZV traha su presupuesto den cual nan tin nan plannan. Esey ta wordo papia cu Minister.
Loke a sosode cu e minister anterior y awor aki cu tin un minister nobo, tin cu sinta cun’e y intercambia di idea pa loke ta plannan cu tin pa 2018. Mayoria di e trayectonan ya ta ongoing. Ta canando.
Si wak di e gastonan extra cu tin, papiando di e trayecto di renobacion di hospital, e renobacion mes, e construccion, no ta wordo financia for di e fondo di AZV. Pero mester richt’e in si, cumpra muebles, etc. Mester tin mas personal. Tur esey si ta cay pa AZV. Esey ta un di e trayectorianan cu ta andando. Tin Imsan, radio terapia, ampliacion di cambernan di operacion. Tin tambe idea of e fundacion cu a caba di lanta, Fundacion pa Salud Mental, Respaldo, cu ta bay ta un organisacion di PAAZ, e psikiatranan cu ta den servicio di hospital, parcialmente cu ta traha riba nan mes y SPD. Ta bay cay bao di un dak. Esey tambe ta un trayecto nobo cu ta bay sigui na 2018.
E Gobierno anterior a cuminsa e discusion pa e verpleeghuiszorg pa nos grandinan SABA, of Thuiszorg pa nos grandinan, manera Wit Gele Kruis ta haci, cu esey tambe bay cay bao di AZV. Un biaha mas tin cu warda wak kico e Gobierno nobo, minister nobo, ta pensa di esey pa por sigui e trayectoria ey tambe.
Tin diferente cos nobo cu ta andando y ta wardando pa un combersacion cu e minister nobo pa wak kico su ideanan ta.
