Dialuna marduga polis a presenta cu urgencia na Joker’s Night Club den De La Sallestraat p’un caso di tiramento. Na yegada di polis a topa cu un scenario basta tenso. Varios hende bringando y hopi boter kibra riba caminda. A kap otro cu boter y tira riba otro.
Dilanti e club a topa cu varios huls, por lo menos cinco of mas. Bisiña a conta cu a scucha mas cu cinco tiro. Un auto staciona otro banda di caminda a ricibi basta perforacion di bala.
Un rato despues un persona a yega hospital cu man herida y tur na sanger. Un bala a alcansa su man. A notifica polis di e caso aki.
Ta trata di un noticia den desaroyo, aki rato mas informacion riba e caso di tiramento aki.