Diadomingo anochi alrededor di 8:30 pm diferente automobilista a bati alarma p’un peaton cu ta blo tira su curpa riba auto. Ta riba L. G. Smith Boulevard, unda polis a topa cu un turista masculino poco intoxica ta cana sin balans.
Un rato prome e tabata trece su mesun bida y trafico den peliger. Pa su propio siguridad, a topa pa detene y hib’e pa warda di polis. Mirando su estado, polis a hasta ofrece pa hib’e su hotel pero a nenga esaki.
