Dialuna marduga alrededor di 1:45 am polis a presenta cu urgencia pa un otro caso di tiramento den Playa. Diferente unidad di algun districto a traha hunto pa asina rondona e area.
Un rato despues cu tabata atende cu e situacion na De La Sallestraat, a bati alarma den Rancho. A informa cu un auto a pasa y los varios tiro den area di Ranchostraat y cu muy probablemente tin un persona cu a ricibi perforacion di bala. Varios unidad di polis a presenta pa busca huls pero no a topa cu nada.
Un rato despues un adicto ambulante a informa polis cu un auto a pasa los tiro den Rancho y e bala a scaf e pa djey bay dal den un borchi di trafico. Berdad, ora polis a check e dicho borchi di trafico, a topa cu perforacion di bala. Un rato despues a bin localisa e adicto ambulante cu a resulta cu herida di bala, etabata den area di ex-KFC patras di Corte. A bin atende cu ne y asina saca mas informacion posibel.
A notifica recherche y team forensico di e caso aki tambe. Esaki ta bira di dos caso di tiramento riba e mes un anochi.
