Fundacion Bernadina Growell-Kock a organisa e di 7 edicion di festival di cancion dedica na nos Mama di Cultura, Bernadina Growell-Kock.
Aruba Bank tawata presente na Centro di Bario Brazil pa sostene e fundacion den su esfuerzo pa aporta na e conscientisacion di nos comunidad riba e personahe imporante aki, y tambe pa continua cu e labor di mantene, conserva e cas y pertenencianan di e Growell.
Aruba Bank a haci entrega y a patrocina e premionan di e anochi. E ganador di e festival a keda den persona di Antonieta Ras-Booi cu a wordo bon ricibi pa e publico presente. Nos ta felicita tur 8 grupo tipico cu a participa y canta diferente cantica cultural. Pabien na e fundacion pa organisa nan di 7 edicion di festival di cancion cu tabata un exito.
