Riba dia 3 di augustus ultimo a sosode un accidente na altura di e luznan di trafico na Noord. Un auto a baha caminda y alcansa un peaton, Emiliana “Ana” de Leon, cariñosamente yama Ana, naci na Republica Dominicana, di 76 aña di edad. E tabatin 25 aña bibando y trahando na Aruba. Awe mainta 7:25am Ana a fayece, despues di mas o menos 3 siman di lucha cu su salud. El a bira e di 6 morto den trafico pa e aña aki.
Mester menciona cu e cantidad di 6 morto den trafico ta tres bes mas hopi cu aña pasa, unda a logra solamente 2 caso di accidente fatal. Ta despues di hopi aña cu Aruba ta logra cera aña cu un cantidad minimo di accidentenan fatal.
E morto di awe a causa hopi disgusto den comunidad, specialmente pasobra e chauffeur a admiti na Polis cu e tabata “chat” ora el a baha caminda y dal e peaton cu tabata canando pa bay su trabou na Alto Vista. Ley nobo ta papia di un multa di maximo 500 florin si ta uza celular mientras ta stuur. Den caso di accidente fatal, ta keda na Fiscal di Ministerio Publico pa determina e nivel di castigo.
