Diamars y diaranson mainta a tuma luga un reunion di Comision Central, unda cu nan a haya un presentacion di parti di e Raad van Bestuur di dr. Horacio Oduber Hospital riba e cooperacion entre e entidad aki y Instituto Medico San Nicolas. Aki e parlamentarionan a haya un splicacion amplio di e cooperacion y tambe a haya oportunidad pa haci nan respectivo preguntanan.
Diamars e director di IMSan, dr. Joel Rajnherc a duna su presentacion y diaranson tanto director medico di hospital, Jacco Vroegop como Gregory Croeze, como director financiero a duna informacion di nan parti.
Alvin Molina, parlamentario di fraccion di MEP, a comenta riba e prome reunion di e comision fiho di salubridad.
Diamars tabata turno di IMSan pa nan splica di nan banda kico ta e efecto di un fusion entre IMSan y Hospital.
E prome cos cu dr. Rajnherc a cuminsa bisa cu ta inevitabel cu e dos entidadnan aki por coopera cu otro, vooral den e situacion financiero cu Aruba ta aden awo. E cooperacion mester ta structuralmente intensivo, pero mester bay a base igual, pero complementando otro.
IMSan a logra hopi cos positivo den e ultimo añanan, segun Molina. Si mira e remodelacion y adaptacion cu a tuma luga, a sosode dentro di e tempo y presupuesto stipula. A logra esakinan cu mas y miho ekipo cu a plania.
San Nicolas conoce y lo conoce mas desaroyo economico. Por mira e parti turismo, hotel Secrets cu lo tin mas di 5600.
Tin papia cu si tin un fusion entre e dos entidad aki lo tin un ‘eerste hulp’ solamente pabao. San Nicolas a wanta hopi aña prome cu nan a haya un eerste hulp pariba. E lo ta iresponsabel pa kita esey. Lo tin un efecto tambe riba turismo. Ta conoci cu pariba di brug no tin un ayudo medico inmediato, e turistanan lo scoge pa no bay keda pariba di brug. Resumiendo, e habitantenan, trahado y turistanan di pariba, mester bay te otro banda di Aruba pa haya un servicio di laboratorio of di eerte hulp. Atrobe lo por mira cu pariba di brug t’e prome cu mester cay atras.
Tin tres punto cu ta importante p’e fusion cu a papia riba dje diamars y di mes mester ta habri. Mester ta habri pa scucha hospital, con segun nan un fusion entre IMSan y Hospital lo ta beneficioso pa Aruba y specificamente pa San Nicolas.
Por ultimo, Molina a splica cu si e mira loke e sa caba y loke a trece dilanti den parlamento diamars, pa nan bin purba di kita IMSan ‘they have to come good’.
Pa un cobertura mas amplio lesa TREMPAN.
