Dialuna merdia, All To Car a anuncia cu nan a caba di ricibi 50 auto nobo, electrico, di gasolin, diesel, etc. Tur ta parti e fleta cu a yega y ta riba waf, cla pa drenta tienda. Tin un demanda grandi p’e autonan di All To Car.
Ta auto di diferente colo hopi atractivo cu All To Car a caba di ricibi. Nan tin diferente modelo, SUV, Sedan, Pickup y asina por sigui menciona.
Kenneth Wever, e persona responsabel p’e maneho di All To Car a conta nos cu ta un variedad grandi pa pueblo scoge.
E slogan ta “Futuro ta presente, bo kier gosa di e presente? Pasa na All To Car y lo bo experencia”.
INNOVACION
All To Car a ranca sali cu auto electrico pa Aruba, sin lubida e bicicleta y scooter. All To Car ta hopi innovativo den e sentido ey, segun Wever.
Ta mira kico e cliente ta gusta, kico t’e ekiponan cu e cliente gusta. Nan ta duna e mensahe via Facebook, via e sistemanan di media, tambe nan ta bin personalmente y bisa kico nan ta desea pa tin den e autonan y All To Car ta trece nan n’e midi y exigencia di e cliente.
E autonan cu a yega, ta un tiki mas concentra riba gasolin. E autonan electrico ta yega aki un luna. E cargamento di e autonan actual, ta inmenso. Tin auto cu door di remote control, ta parkeer su mes pa bo. Bo no mester preocupa si bo ta reverse. E mes ta hacie pa bo. Ta auto cu sistema innovativo y sin chauffeur.
Tambe tin pickup cu motor Mitsubishi den nan, pickup tanto diesel como gasolin, automatic of manual. Tin CS15 cu ta hopi gusta na Aruba di e marca Changan. Tambe tin e modelo Unity di Changan, cu ta duna 5 aña di garantia, 100 mil kilometer. Ta un satisfaccion inmenso y no ta keda nada otro pa invita henter e pueblo di Aruba pa bin All To Car diaranson padilanti, bin scoge e auto pa bo disfruta di dje.
All To Car ta traha cu tur banco y tambe cu Total Finance. Si acaso bo tin cierto problema chikito na banco, Total Finance ta bay hasta un aña mas largo dunando e credito cu ta pagabel.
SATISFECHO CU REACCION DI COMUNIDAD
Wever a splica tambe cu e mes tin tres luna trahando na All To Car y e cargamento cu a yega dialuna, ta loke nan no tabata bestel den pasado. E demanda ta grandi. Antes nan tabata bestel 15 pa 20. Pero awo ta yega 40 pa 50 pa cada lote. Y esey ta papia pa su mes. Pueblo ta papiando y pueblo ta gusta e producto, Wever a indica.
ATENCION PA CLIENTE
All To Car ta duna e cliente e atencion necesario. Logico tambe cu ta haya cu e cliente ta exigi su garantia y All To Car ta cumpli cu e garantia tambe, cual ta importante.
Den un siman di tempo lo tin container di 40 pia yena cu piesa, porta, windshiled, etc. yegando, pasobra tin cu respalda e producto. Garashi ta cla pa haci servicio.
All To Car ta habri tur dia fo’i 8:00 am pa 6:30 pm di atardi, di dialuna pa diasabra. Tur auto bendi nobo ta inclui servicio gratis y pa mantene e garantia bibo ta exigi pa t’ey cada 5 mil of 10 mil kilometer cori.
All To Car ta situa riba L.G. Smith Boulevard 114 net dilanti di Aruba Ports Authority.
