E mausoleo di Lenin ta cera door di coronavirus. E ultimo biaha cu autoridadnan a cera e acceso na e momia di e fundado di URSS, e pais a drenta den un periodo di confinamento cu a prolonga durante tres luna. “E mausoleo lo cera debi na e dificil situacion epidemico den e pais,” un vocero di e Servicio Federal di Proteccion (FSO), encarga cu e siguridad di Kremlin, a informa EFE.
No ta pa menos, ya cu Rusia a registra cada dia mas di 20 mil contagio y casi mita miyon di morto y diahuebs el a supera dos miyon di caso di COVID-19.
E momia, indicador di riesgo
Sabiduria popular ta bisa cu ora e gemeentehuis Moscovita dicidi suspende e acceso na e curpa embalsama di Vladimir Ilich Ulianov, alias Lenin, ta cu e situacion den e capital, e epicentro di e pandemia, ta serio.
Segun autoridadnan di salud, na Moscu a detecta diariamente cerca di cinco mil caso y rond di 70 pa 80 morto, loke a obliga autoridadnan tuma medidanan nobo manera e ceramento di museo y universidadnan.
E ultimo biaha, e edificio di marmer cora situa riba e Plaza Cora (Red Square) a cera su portanan desde medio maart, coincidiendo cu e inicio di e restriccionnan pa e brote die pandemia, te cu dia 1 di juli.
Autoridadnan kier evita rij den curason di e pais. E mausoleo ta habri su portanan cuater dia pa siman – diamars, diaranson, diahuebs y diasabra – for di 10’or di mainta pa 1’or di merdia. Segun e comunistanan, e ta ricibi te cu 50 mil bishitante pa luna.
Den e mausoleo aki ta supone tambe cu e Rusonan no por accede na e necropolis cu ta entre e mausoleo y e murayanan di Kremlin y cu no por mira for di e plasa, ya cu e ta protegi.
Eynan por haya dera e dirigente cu a hereda e poder tras di morto di Lenin, Iosif Stalin, cu solamente a comparti e mausoleo cu e lider di e revolucion Bolchevique desde su morto na 1953 te cu 1961, debi na e denuncia di e culto na e personalidad realisa pa Nikita Jruschov.
Awo no por deposita flor na e graf of riba di e otro dirigentenan Sovietico manera Brezhnev, Andropov of Chernenko y personalidadnan manera Yuri Gagarin, e prome cosmonauta di historia y tambe varios otro personahe manera e amante di Lenin, Iness Armand y e Mericano John Reed. Ademas di e mausoleo di Lenin, museonan di e capital tambe a cera e siman aki nan porta te cu medio januari di 2021 riba ordo di e Ministerio di Cultura. Sumando na e reciente cancelacion di e festivalnan Navideño, operadornan turistico ta pronostica un caida di e fluho di bishitantenan compara cu e prome mita di e aña aki.
