Den fin di siman a tuma luga e competencia di skate na Ormond Beach, Florida (Merca). E competencia aki tabata organisa pa Florida Skateboarding League (FASL). Pa Aruba tres atleta a participa y a haci un tremendo trabou, unda a logra gana premio.
Alayna Briesen tin ocho aña y a competi den dos categoria. E prome tabata categoria 8 – 11 di Street Skating. Despues di un competencia largo, e puntonan acumula tabata bon pa un di tres luga. Tambe el a logra termina na di dos luga den Park Skating dje categoria 8 – 11.
Axton Briesen tin shete aña y el a competi den categoria di 7 & Under. El a termina na di dos luga.
Nixie-Laine Briesen di edad nuebe aña a competi den e categoria di Park Skating 8-11. El a termina na di tercer luga den e categoria aki y tras di Alayna Briesen.
