Den e dianan aki tin un control mas fuerte cu normal, na Instituto Coreccional Aruba (KIA) debi na movecion sospechoso tumando luga den e area. Den fin di siman caba a bati alarma pa un vehiculo cu luz paga den cercania pero no a logra haya nada cu lo indica algo straño.
Pero diaranson marduga ta bolbe bati alarma, esaki den careda di 1:25 am, caminda ta indica cu lo a tuma nota di dos persona sospechoso purbando di drenta e prizon.
Di un manera of otro kier a logra e meta aki pero personal di siguridad di KIA a activa mesora. Nan a cuminsa maniobra pa baha for di caminda cu nan tabata y tuma direccion di e mondi den e area pa sconde.
Di otro banda polis tambe a presenta, manera tabata e caso den fin di siman, pa asina reenforsa e team di KIA pa un miho buskeda, pero naturalmente si tin cualkier lantamento of hende arma cu lo atenta contra nan bida den e scur di marduga.
A cuminsa buskeda den full e area, pero pa mas straño cu e ta zona, nan no a logra topa cu ningun hende den e area. No sa kico ta e intencion di e dos sospechosonan aki, pero nan mester ta consciente cu ta un acto hopi peligroso, como cu ta un area fuertemente custodia y cu por tin consecuencia serio cu cualkier intencion sospechoso.
