Djabièrnè 1 di novèmber 2019, alrededor di 19.23’or Sentral di Polis a risibí notifikashon ku na un kas den Kaya Vatu un vehíkulo a kai riba un hòmber ku tabata drecha e vehíkulo. E promé unidat polisial ku a yega na e sitio a topa ku un hòmber heridá drumi abou.
Ambulans a transportá e víktima den situashon di prekupashon pa poliklínika di SEHOS pa tratamentu médiko mas avansa. Sentral di Polis a risibí notifikashon alrededor di 22.45’or ku dokter di polis a konstatá morto di e hòmber Jefferson Erwin Thomas Wolff, nasé na Kòrsou 3 di yüli 1977, na St. Elisabeth Hospital.
