AIB Bank N.V. hunto cu Aruba Bank ta felicita Xavier University School of Medicine Aruba cu e inicio di construccion di su facildadnan universitario nobo na Aruba. AIB Bank N.V. y Aruba Bank N.V., como financiadonan di e proyecto aki, ta gradici Xavier University School of Medicine Aruba, representa door di Ravishankar Bhooplapur y su ekipo, pa e confiansa mustra na nos como financiado di e proyecto ambicioso aki.
Den e capacidad di Mandated Lead Arranger, AIB Bank N.V. ta orguyoso di forma parti di e proyecto aki cu ta representa un inversion total di Afl. 36.7 miyon pa construccion di e prome fase di e facildadnan universitario di Xavier University School of Medicine Aruba y nos ta spera di por sigui asisti cu e siguiente fasenan di e proyecto.
Xavier University School of Medicine Aruba ta prepara studiantenan den medicina pa drenta e mercado Americano y international di cuido medico y ta conta cu acreditacion di ambos CAAM-HP and ACCM.
E proyecto aki ta encera e prome fase di varios desaroyo pa muda e Universidad pa un area strategico na Hato y establece su propio Campus como residencia temporario pa e studiantenan. Nos tin confiansa cu e proyecto aki lo aporta na promove educacion eleva riba nos isla y lo contribui positivamente na desaroyo economico di Aruba.
Nos ta desea gerencia di Xavier hopi exito y prosperidad y un biaha mas nos ta contento cu e oportunidadnan cu e inversion aki ta representa pa comunidad y economia di Aruba.
