Awe tardi, alrededor di 1:45pm a bati alarma p’un problem’i famia den Semeleerstraat. Polis a bay cu maximo urgencia mirando cu tabata papia di un caso di menasa cu arma. No tabata conoci si tabata arma di candela of blanco. Esey a pone K9 unit, recherche y hasta polis di trafico direccion Semeleerstraat 34 cu maximo urgencia.
Na yegada a topa cu un hoben pafo di cas y intercambio di palabra formal entre famia. No a top’e cu ningun tipo di arma. A resulta un problema di famia pa motibo di placa y pa un cacho.
E sospechoso a conta cu su ruman a agredi’e na su pia. Na final a detene e hoben y a transport’e pa ward’i polis. E tin di bay duna cuenta na un sub fiscal di su acto.
