Aglomeracion na Eagle Beach a termina cu detencion

Awe marduga pa mas o menos 12:40AM tabatin aglomeracion di hende banda di Eagle Beach. Un grupo grandi tabata disfrutando di e anochi. Na yegada Polisnan a topa cu musica y hendenan disfrutando di e anochi. A ordena pa tur hende bandona e sitio. Tur hende a coopera cu polis y a bay nan cas. 
Pero prome cu nan a bay, Polis a nota un waya coriendo for di un auto y ta scucha musica biniendo for di banda di lama y a mira 2 persona sinta bou di un palapa. Polis a acerca e pareha y a bisa nan tambe pa bandona e sitio. E homber a papia onbeschoft cu autoridad, mientras e tabata piki tur cos.

Aglomeracion na Eagle Beach a termina cu detencion

Aglomeracion na Eagle Beach a termina cu detencion. Click link pa mas https://24ora.tv/2zIzQh2

Posted by 24ora on Friday, May 29, 2020

Polis a ripara cu e homber no por a cana mucho bon y a duna indicacion di ta bou influencia di alcohol. A bisa e dama p’e stuur auto, kende a expresa di no por stuur. E homber a sinta tras di stuur pa asina bandona e sitio, pero polis a bis’e cu e no por core auto bou influencia. Consecuentemente e homber no kier a coopera pa cual a deten’e y hib’e Warda di Polis pa present’e na un Fiscal Auxiliar pa dicidi riba su libertad of detencion.

Aglomeracion na Eagle Beach a termina cu detencion

Aglomeracion na Eagle Beach a termina cu detencion. Click link pa mas https://24ora.tv/2zIzQh2

Posted by 24ora on Saturday, May 30, 2020