Marina Pirata ta un restaurant hopi popular no solamente cerca bishitantenan di exterior pero tambe cerca localnan.
Na momento cu a cera frontera e consecuencia a yega cerca nan tambe, segun Ricky Donker (Manager), ta bisa. Awo cu a habri bek, e ta un situacion cu dia a dia mester enfrenta y mira con e operacion ta bay.
Loke cu a yuda nan hopi ta cu durante e periodo cu a cera frontera di Aruba, nan a logra sigui cu e parfti di “take out”. Y aworaki nan ta preparando, poniendo mas espacio entre e mesanan pa cumpli cu e normanan nobo. Nan sigur lo keda cla cu tur e cambionan pa dialuna awo nan cuminsa sirbi cena, cu loke ta semper nan tabata conoci p’e.
Algo nobo cu nan ta proyecta pa drenta e era nobo ta pa habri y ofrece servicio di lunch tambe y na mesun momento nan ta creando un bar nobo y atractivo.
Por yama e numbernan 5857150 of 735 7151. Nan ta tuma reservavion via di whattsapp tambe y por haci reservacion di diaranson pa dialuna.
