Aerotecnica, e compania operador Venezolano, a yega di duna un servicio na gobierno di Aruba, pa varios aña. Antonio Dugarte, presidente di e compania, a comenta cu na 2003, Aruba ta percurando pa servicio di helicopter pa surveillance riba e isla pa evita imigracion ilegal y narcotrafico.
Na 2003, Aerotecnica tabata trahando directamente cu e minister di husticia di e tempo ey, esta Rudy Croes. A hunta e operacion den casi 3 of 4 dia, hustamente tabata tin mester ugentemente e servicio pa evita e dos problemanan aki. A haci varios contract cu e gobierno di Aruba directamente cu e ministerio di Husticia.
Entre 2003 y 2014/15, cu e operacion a para. A opera mas of menos pa 11 aña consecutivo riba e isla y a bay hopi bon.
Pa e grupo operacional esaki a sirbi pa wak un ambiente diferente cu Venezuela. Aruba ta un isla espectacular, unda cu tur cos tabata traha hopi bon. El a bay bon cu den e sentido estadisticamente cu e helicopter cu nan ta opera, semper tabata tin backup, pasobra tabata tin varios helicopter na Venezuela. Nan tabata tin un record hopi bon. Casi 365 dia pa aña nan tabata down pa mantenimento, no mas di cinco dia. Ta un porcentahe bastante inusual y bastante halto pa e tipo di operacion pa e industria.
Tabata tin helicopter di backup. Semper, den 11 aña di operacion, den dos oportunidad nan no a cumpli cu un vuelo. E prome oportunidad, pasobra nan tabata tin un problema di un faya, cu a logra coregi inmediatamente. E di dos dia caba ya nan tabata tin un di dos helicopter yegando Aruba.
E di dos biaha, tabata un problema di corosion, caminda cu a lanta e THC y por a drech’e e dia siguiente. Cu e corosion aki tabata perfectamente tolerabel pa e manualnan di fabrica.
Aerotecnica ta un empresa autorisa di e empresa Velhelicopters Techstron di e empresa Gusta Wesland. Awendia e yama Leonardo Helicopters. Nan a opera Velhelicopters for di añanan 60.
Servicio
Nan mester a cubri e demanda di e minister di husticia pasobra, den area di combati narcotrafico y combati imigracion ilegal, nan mester a bula rond di e isla. Nan a priminti dos ora pa dia.
Nan, cu 60 ora di buelo pa luna, realmente tabata tin un trabao di coordinacion hopi bon haci cu e grupo di Guarda nos Costa. Segun Dugarte, nan tabata e prome di e piesanan di e puzzel cu e minister di husticia e tempo ey a pone, pa e pelea contra narcotrafico y imigracion ilegal y cu polis tambe.
Nan tabata tin un triangulo entre polis, Guarda nos Costa y e compania di helicopter. A Monta radar despues di un tempo, cu nan a cumins opera. A cumpra botonan nobo, y e coordinacion tabata hopi bon.
A investiga e compania aki cerca di dos aña, pa despues mantene nan den servicio. Dugarte ta sigur cu e grupo di inteligencia Hulandes tabata nan tras. Aruba a investiga nan tambe. Te na e momento cu a yega na nan, ya nan a wordo investiga pa Aruba y a selecciona nan, pasobra siendo servicio autorisa, obviamente nan tin cierto standart riba tur otro operador.
Kico a pasa
Dugarte a conta cu na 2013/14, seis luna prome cu a para e servicio, e gobierno a cambia. E minister di Husticia, Arthur Dowers, a papia cun’e algun biaha. E prome biaha cu Dugarte a papia cu Dowers, el a bis’e cu e contract tabata casi vence y Dowers a pidi un extension di e contracto, pasobra lo a bay saca un licitacion.
Den e combersacion aki, Dugarte a splica cu Aerotecnica tin un subsidiario na Aruba, cu awendia, pa e momento ey, e helicopter tabata Arubiano, e personal cu tabata traha den e empresa, 50% tabata di Aruba. Ya nan a wordo investiga y tabata tin permiso como internacional y cu nan record tabata bastante bon. Nan ta un compania cu a bula mas di mey miyon di buelo den nan historia y mayoria cu helicopter.
