Ya nos ta comienso di April y a acerca hefe di Censo, Sharin Luydens, pa loke ta e resultadonan di 2018. Cuanto hende kisas a nace, cuanto hende a fayece na Aruba, con hopi e poblacion a crece durante e proceso, no solamente hende cu a nace aki, pero esnan cu por a inscribi. Casamento, divorcio, tur esakinan, ta cifranan cu pueblo ta enfoca riba dje.
Tur aña Censo ta traha un tipo di Jaarverslag.
Censo tin un total di 29 trahado, cual 17 ta na Front. Segun cifranan na 2018, personanan cu a drenta den Schoolstraat, oficina principal, tabata 117.292 cliente, cual cifranan ta duna cu 109.842 a wordo yuda.
Na LG Smith Boulevard a yuda 12.486 persona, cu paspoort of ID. En total tin registra cu 205.070 producto a wordo bendi. Loke normalmente prensa ta puntra cuanto hende a nace, cuanto matrimonio tabata tin, etc.
Den nacemento tin 1170 acta di nacemento. Matrimonionan efectua na Aruba tabata 543. Esunnan pafo di Aruba ta 189.
Divorcio na Aruba ta 334 na 2018. Reconocemento, esta un tata ta bin reconoce yiu ta 689 y fayecimento ta 745.
Otro servicionan cu Censo ta duna ta Huwelijkstoets. Ta haci pruebanan pa wak si ta trata di matrimonio ficticio. Tabata aki un total di 489 toets a wordo haci. Tambe ta duna numbernan pa cas. Esaki ta 346. Tabata tin mas of menos 2700 inscripcion. Imigracion/uitschrijving 2680. Tambe por mira cu e website ta wordo bon bishita. Censo.aw a wordo bishita 170 mil biaha, caminda cu ta wak cu 20.500 tabata repeated clients. Fuera di esey tabata tin cambionan di adres. A haci 319 via e servicio online. A haci uitschrijving 156 y tambe peticionnan pa numeracion di cas, a trata 43 via e Digilog.
Censo mes a haci casonan huridico. Normalmente e servicionan di gobierno ta wordo huridicamente representa pa Directie Wetgeving. Censo ta representa su mes den corte. Vooral, mirando cu e ambtenaarnan di Burgelijke Stand ta un ambtenaar particular segun e Burgerlijke Wetboek, y ta trata aki di Familie recht.
Censo a trata na LAR Rechter tambe. Censo a haci 68 caso den corte, segun Luydens.
