Haitiano droga ta agredi otro cu biga cu clabo

Polis a bay pura den direccion di De La Sallestraat. Eynan na un cas cu diferente Haitiano tabata tin problema cu sacamento di arma. Na yegada a topa cu un Haitiano cu ta bou influencia di droga.

Ultimo dianan aki e ta papiando hopi cos bruha y ta bisa tambe cu hende kier tire y atake cu cuchiu. E tabata den bon caminda na Misa pero awor a bolbe cay den cos straño y ta actuando hopi straño. El a pasa man pa un biga cu clabo pa dal un otro Haitiano na e cas. Otro cu tabata tey a grita na tempo y asina e victima a tene e biga pero e clabo a heride. E mes a bisa di lo bay Hospital. Polis a detene e Haitiano agresor cu tabata bou influencia. A hibe warda pendiente investigacion.