Recientemente tabata tin un conferencia di parti di Agencia pa Desaroyo y Recurso Asistencial na Baranca di Yerba, caminda cu nan a trece un proyecto sumamente bunita dilanti.

Ta trata aki di un proyecto specialmente pa mamanan hoben entre 15 pa 25 aña. Segun e directora Alcidra Jansen, e tema ta e mama hoben pa un lifecoach. Ta dunando e mamanan aki un oportunidad pa por logra algo den comunidad. Un di dos oportunidad.

ADRA cu proyecto pa mamanan hoben

ADRA cu proyecto pa mamanan hoben. Click e link pa mas https://24ora.tv/35Vv9ej

Posted by 24ora on Monday, December 2, 2019

E hecho cu nan ta mama hoben, no ta nifica cu nan no por logra algo. Locual cu ta brinda nan ta, un educacion di tal forma cu nan por haya algun cos practico, di manera sea nan por haya un trabao ora cu nan sali for di eynan, of nan ta bay traha riba nan mes pa nan por haya nan pan di cada dia, y asina ey contribuyendo cu desaroyo di nan yiunan tambe.

Ta pa e motibo aki mes ta pidi un y tur pa nan por sostene e proyecto aki.

Ora cu e proyecto aki sali bay pidi un yudansa pa nan por core stage of haya un trabao cu nan por duna nan e oportunidadnan aki. Ta asina cu no solamente ta contribui cu e mamanan tambe, pero tambe cu nan yiu.

Pa esnan cu kier aporta cu cualkier yudansa financiero, por haci un deposito na cuenta di CMB: 62148403 Fundacion ADRA – Aruba.

Comments

comments