Dia prome di april, Corendon Mangrove Beach Resort lo bay habri su portanan. Segun Miguel Gonzalez Perret-Gentil, representante di Corendon, a splica cu awor aki ta full bezig pa e 399 cambernan cu ta bin den fase uno, lo ta cla pa e fecha. Un delegacion di miembro di prensa di Aruba cu tabata na Corsou pa e vuelo inaugural di Aruba Airlines Miami – Corsou a haya chens pa bishita e proyecto aki.

Loke cu Corendon por ofrece na e bishitantenan ta un bista espectacular ora cu e yega. E infinity pool ta e prome cos cu nan lo wak y tras di dje lo tin e beach. E concepto di e hotel ta un “5 star all-inclusive hotel”. “E ta un experiencia unico na Corsou,” Perret-Gentil a bisa.

Corendon Mangrove Beach Resort ta habri su portanan aki tres luna

Corendon Mangrove Beach Resort ta habri su portanan aki tres luna. Click e link pa mas https://24ora.tv/34IEoP1

Posted by 24ora on Monday, December 2, 2019

Corendon ta un nomber hopi conoci na Hulanda y ta un cadena stabiel cuna Europa hopi hende conoce. E ta nifica automaticamente, cu hendenan di e continente aki sigur lo hospeda den e hotel aki cu e nomber ta conoci caba cera nan, y lo hala nan atencion.

Miguel Gonzalez Perret-Gentil a sigui splica cu den e prome fase mester keda cla e99 cambernan cu ta programa. Den e di dos fase ta construi un 451 camber mas. Na final lo tin en total 850 camber.

Pa loke ta staff, Perret-Gentil a conta cu nan ta bezig cu e proceso pa recluta e personal. Ta kedando cla cu esaki. Pa e prome fase ta premira cu ta bay tuma 250 pa 300 persona den servicio, dependiendo tambe di ocupacion di e cambernan. “Pa fase dos e number ey claro lo subi. Ta calcula entre 600 pa 650, pero un biaha mas, tur cos ta depende di ocupacion di e cambernan,” el a bisa.

Lo tin intercambio entre e islanan tambe. E hotel aki tin algo di ofrece pa tur hende, tanto pa esnan di Aruba como di Corsou. E ta un concepto unico, un Aquapar. E tin algo di ofrece pa tur hende, pa famia, pa recien casanan, profesionalnan hoben, etc.

Pa mas informacion semper por bay riba nan pagina di Facebook riba Corendon Mangrove Bbeach Resort pa mas informacion. Tambe nan por bay riba corendon.nl y ricibi mas informacion.

Comments

comments