Audrey Croes-Lacle ta na cabes di e fundacion Adopt-an-Addict, recordando 10 aña di existencia. Give up ta un palabra cu eigenlijk no kier pa aparece den nan vocabulario. E ta un trabao duro mes. Adopt-an-Addict a nace dia 2 di Juni 2008. Nan a lanta pasobra nan tabata haya hopi keho di den caya door cu Croes-Lacle tabata den Mambo.
Ora cu a fada di busca un ayudo of un solucion pa esaki, a dicidi di uza reversed psychology y lanta Adopt-an-Addict y purba yuda e hendenan aki. A sondea den Caribe y Sur America y a haya como un prijs mas accesibel pa por a traha cun’e. Ta Republica Dominicana en cooperacion cu Hogares Crea, di cual te awe nan ta trahando cu nan.
Montantenan mas grandi di hendenan na Santo Domingo tabata durante cu a cera e shelter den caya. E momento ey tabata tin 97 hende na Santo Domingo y a sigui traha cu un programa di Hogares Crea cu ta duna no solamente pa kita di adiccion e terapianan ey, nan tabata haya housing, nan tabata haya terapia, buitendag, tin biaha nan tabata bende cierto productonan riba caya cu tin biaha e mayornan, of famianan di e adictonan cu a hiba, tabata protesta pa esey. Pero nan no tabata protesta ora cu e hendenan aki tabata benta bari sushi y busca, kibra, cu eseynan. A tuma esey tambe masha lihe, pasobra e tabata parti di e sistema di terapia di Hogares Crea, cu te awe ta vigente.
Ainda tin un promedio constante di 12 pa 20 hende na Santo Domingo tur luna. E duracion di e tratamento a baha di 20 pa 18 luna. A logra haya e tempo ey via Minister Hooyboer, a pasa como un MB, cu a haya 200 dollar pa cabes di cada un cu a bay, di cual 100 of 150 dollar depende di cua hogar nan ta bay na Santo Domingo. Santo Domingo tin mas of menos 48 cas. Cas femenino tabata tin tres. Tambe tin cas pa clientenan cu tin HIV. E terapia ta exitoso y tin mas cu 60 aña cu e ta existi, pasobra Crea Internacional ta den varios pais. Pero Hogares Crea Dominicana a wordo lanta door di srnan Julio Diaz y su tata. Pero tambe nan a haci cierto cambio den nan filosofianan.
Adopt an Addict ta traha keto bay cu nan. Na Aruba a lanta despues di dos aña Cas Speransa, cu ta un cas pa resocialisa e personanan. Ya nan a pasa door di rehab y ora nan cay tambe bek na caminda, hopi biaha nan ta bolbe bek na Aruba mes, na Cas Speransa pa por lanta bek.
