Diamars 26 di Juni 2018 a tuma luga den CDGT na Dakota e di tres y ultimo wega di e playoff final di Futbol Division uno, despues cu den e prome dos wega nan a keda den un empate di 1-1 y despues 0-0.
Analisando e prome 45 ‘ nan di wega e ekipo di Brazil jrs a bin awe dicidido pa bay cas como Campeon. Un wega caminda nan tabata crea hopi espacio y tambe peliger dilanti di e arco di nan contricante.
Tempran na di 9′ di wega Owen van der Wijne #9 ta habri e marcador pa Brazil jrs bay ariba 1-0. Despues di aki e hungado #19 Samson Occean riba un hugada bruto ta dal e defensa di United cu un elleboog den su cara, caminda cu referee ta saca carchi cora direct pa asina e wordo expulsa for di wega. Brazil jrs cu un homber menos no a basila y a sigui ataca creando diferente oportunidad, pero tabata Yrving Tromp e keeper di United, cu a trece salbacion na diferente biaha.
Den e di dos parti di wega Brazil jrs ta sigui ataca caminda cu e defensa di United a sa di kibra tur peliger di gol. United tambe a crea algun oportunidad pero Brazil Jrs su defensa tambe tabata funciona debidamente y tabata rechasa tur bala dilanti di nan arco.
Den un atake di Brazil jrs, Randolph Werleman #5 ta ricibi e bala y ta manda un fusil den e skina banda drechi di e keeper caminda tabata imposibel pa por a saca e bala pa Brazil jrs bay ariba 2-0 na di 73′ di wega.
E hungado #4 J William di United den un wega bruto ta faulia un hungado di Brazil jrs y a ricibi su di dos carchi geel y despues e cora y ta wordo expulsa for di wega.
Final di e wega caminda cu Brazil jrs ta bira Campeon ganando e wega cu e score di 2-0 y asina tambe wordo promovi pa e Division di mas halto di Aruba su Futbol pa e proximo temporada 2018-2019.
E wega a wordo dirigi como referee Principal L Bedoya asisti pa R Dirksz y J Boekhoudt y na mesa D Christiaans.
Maximo goleado di e campeonato a resulta Owen van der Wijne di Brazil Jrs.
Resultado campeonato 2017-2018:
Campeon: Brazil jrs
Sub Campeon: United
Di 3 luga: FC Porto
Di 4 luga: RCS